الكلب لوينساك للسوك اجيبة
واكتب عليه للبيع خاين حبيبة
من عندي اخذ مرخوص يا ولفي شتريد
ومنك ردت وانخاك فد بوسة بالعيد
كل يوم اكول اليوم باجر يمرون
ومن كثر دمعي السال ماضلت عيون
خلني اشتعل يهواي بس انت تسلم
وحته العذاب وياك يحله ابجهنم
خليني كربك دوم اروه من اشوفك
وانت النظر للعين واشلون اعوفك
حطيته بالدلال كل كصدي ادريه
تالي الوكت الكاه فال ويدج بيه
حطيته بالدلال وايجه بالفال
جا انه وسط العين خلاني وشال
اخ اشكثر على الاخ متعوده هالروح
حته بفرح نوبات من تطرب تنوح
ارد امشي للمحبوب اتعاتب وياه
هم يدري تعمه العين تبجي على فركاه
ابجي بتوالي الليل بس ابجي بهواي
والصخر لو له اعيون جادمع اوياي
انه الخنت يهواي لو انت غدار
لا تنسه نوحي ذاك يم عتبت الدار
ارد انشد الدكتور اليجبر اعظام
شنوه الدوه الموصوف كسراته الايام
رحت انه للدكتور شاورني بسكوت
لو ولفك ايداويك لو باجر اتموت
ارد امشي للعباس شباجه اهزه
ليش اصبحت مكروه بعد المعزه
ارد انشد اهل الشور والعدهم الراي
شو كلبي نار ازيد من اشرب الماي
ارد انشد اهل الشوروالعدهم الراي
شنو الدوه الماصوف لليغص بالماي
سهله اليغص بالماي وشيصبرك بهاي
بالنفس روحي تروح من اذكر اهواي
موضوع: دارميات روعه 
الإثنين مارس 21, 2011 2:41 pm
